Straotversiere..

Umdat Stökkum gin jaorlukse optocht
kent, stéake de Stökkumse buurte en
straote al jaore héél wat wark in ’t
versiere van hun straot of buurt. ’T
Straotversiere kent dan ook al ’n
lange tradisie: ’T Was in 1973 de
Rijnlandstraot, die uut zich eiges
begonne was met ’t versiere van hun
straot. Dit beviel ’n ieder zo goed, dat ’n
jaor daornao naost de Rijnlandstraot,
ook ’t stukske Eltenseweg tusse De
Pluum en ‘t Klaphek, De Gildestraot,
de Rozenkamp, Suitbertus- en Dr.
Poelsstraot, de Paosbulters, Pastoor
van Sonsbeeckstraot en ook de
Dorpsstraot metdee-je. De Dorpsstraot
won ’t allereerste straotversiere in 1974
en deur Prins Mannie en zien gevolleg wed de standaard (beheurend bi-j de eerste pries) bi-j Theo Bles in de tuin geplaatst. Sinds die tied is ’t aantal straote wat metduut, elk jaor groter gewodde.

De winnaars van ’t straotversiere wodde de letste jaore gekoaze deur ’n afvaardiging van de Olde Joekels (Old-Prinsen).  Op zondagsmarreges trik  jaorluks ’n lange stoet met tuuterende auto’s en de prins veurop  deur Stökkum veur ’t bewondere van de versierde straote. ’T Bekendmake van de genomineerde 3 straote wöd tiggewoordig rond half twaalf bekend gemaak op ’t kerkplein nao de carnavalsmis. ’s-Aoves bun die drie straote dan in de feesttent uutgenödig um daor te heure wie d’r winnaar gewodde is. Op Rosemaondag trik dan de Potdekkeloptog deur de winnende straot um daor de standaard veur de winnende straot te plaatse. De winnaars ontvange verder ook ’n leere buudeltje met geld, ’n wisseltroffee en ’n bordje um in de straot as blievende herinnering op te hange.